Jahresrückblick Teamjahr `08

Vielleicht griang ma wieder a Team Gedicht hod Kathi gsogt,
drum spui i heid Wichtl und hob mi wieder aweng plogt.

De letzte Weihnochtsfeier is a scho wieda a Zeidl her,
woan hama oba a wieder um oane mehr.
Bei oana Team Johanna is ned bliem,
Do hods uns heia a zweite einagschniem.

Nu a Oidhomerin, wia wonses ned scho dad,
na Spaß darat se nix ändern, wuacht uns jo grod fad.
Des Joa woa jo ned so Team Aktionen reich,
a Fremda dad song: Wos woa do blos los mid eich?

Glei im Jänner oba eigentlich glei moi scho,
Mari wos host du do blos wieder do?
D’Eva und da Franzi hom im Hoiz noch de Bam gschaud,
und du Mari aweng zvui Papier oda wos an Andi sei Klo eine kaud!

Am Stodtball und an Burgkirchnerball homa unsicha gmocht,
am Feidlclub und am Feuerwehrball vakleidet verbrocht!
Vom Fosching Dienstog hom a boa an Rausch hoam trong,
ansonstn homase überroi guad gschlong.

A Konzert z’weng und z’Oidhom a,
wechas woa schena, hm des zum song is schwa.
Ren ma liaba von de Geburtstoge im März und Aprui,
des woan jo direkt amoi vui.

Fian Luki und fian Felix ernan hama beinond gesessn,
beim Hasi hod da Jae erklärt: Im Puff gibt’s essn!
Black & White hama in Riad umadum krocht,
bei da Meli homa uns mit „Ist der Hans da?“ a Gaudi gmocht!

Am Tennenfest hom so einige an Teife troffm,
i schliaß mi ned aus, do hama schiaga ogsoffm.
Bei da Kathi beim Feiern homa Team Fotos gmocht,
woama z’Gundholling homa owei an Haufm glocht.

Don woas LJ Fest vo Mining und Weng,
heia am 21. Juli is a oans do weama uns wida seng.
Hed i boid vagessn z’Thonnstroß woama a,
don homa gfeiert da Mari ian 18na.

Wiama bei da Mari eben woan domois im Mai,
ajo do woa da Jae a dabei.
Irgendwie hod a dazuakead zum Team,
an Haufm lustige Erinnerungen an eam san bliem.

Bei da Rock-Night san auftreten da Felix und seine Leid,
an Führerschein hom heia a aboa gschofft, wos uns recht gfreid.
Steigts hoid aned zvui aufs Gas,
a wen ma 5 Minuten später kumd zu de Musifesta is a Spaß!

Am Aufest hodma as Team a gfundn,
grillt homa amoi beim Luki im Goatn untn.
Z’ Kopfhom do woama a wieder live dabei,
i hoff des wead de nextn Joare anu so sei.

Don homa nima wiaklich vui untanuma,
außa zum HBLA-Ball san nu einige kuma.
Najo etz los is wieder bleim,
kon jo aned über olles schreim!
Zum Schluss het i ma hoid docht,
mia mochn uns iaz nu an gmiatlichn auf d’Nocht!

© Ramona Werni
Dezember `08